Ankarada keçirilən II Beynəlxalq Türk Dili və Ədəbiyyatı Təhsil Simpoziumu türk dünyasının tanınmış alimlərini bir araya gətirib. Qazi Universitetində 17-18 aprel tarixlərində təşkil olunan tədbir professor M. Fuad Köprülünün xatirəsinə həsr olunub.
Simpoziumda Türkiyə, Azərbaycan, Qırğızıstan, Özbəkistan, Türkmənistan, Qazaxıstan, Uyğur və başqa türk soylu alimlər iştirak edib. Tədbirdə “Türkologiya ilə bağlı dərslik kitablarının yaradılması”, “Uyğur türkcəsinin tədrisi problemləri”, ” Rusiya imperatorluğunda türkologiya inkişafı ” Fuad Köprülü və Azərbaycan ədəbiyyatı “,” Almaniyada türk dili “,” Ortaq əlifba “,” Azərbaycanlı albanların dili və folkloruna baxış “,” SSRİ dövründə türk dünyasının simvollarla anladılmasının Azərbaycan nümunəsi” və başqa məsələlər müzakirə mövzusu olub.
Alimlər çoxdan müzakirə olunan ortaq türk dərsliyi yaradılmasına hazırlıq işlərinin başlanmasını önəmli sayıblar.
azadliq.info
