Tovuzda bir neçə nəfər qidadan zəhərlənib. Zəhərlənmə rayonun Aşağı Quşçu kəndində qeydə alınıb.
Kənd sakinlərinin birinin evində təşkil olunan qonaqlıqda iştirak edənlər yemək yedikdən sonra zəhərlənmə əlaməti hiss edərək, Tovuz Mərkəzi Rayon Xəstəxanasına müraciət ediblər.
Onlardan 6 nəfərin vəziyyəti orta ağır olduğuna görə xəstəxanaya yerləşdiriliblər.
Zəhərlənənlər 2003-cü il təvəllüdlü Əfsanə Yusibova, 1991-ci il təvəllüdlü Ədalət Həsənov, 1998-ci il təvəllüdlü Şəhla Yusibova, 2008-ci il Xəyal Həsənov, 1996-cı il təvəllüdlü Əli Abbasov və 2007-ci il təvəllüdlü Zöhrə Xəlilovadır. Xəstəxanaya müraciət edənlərin sayının artacağı ehtimal edilir.
İlkin məlumata görə zəhərlənmə mis qazanda saxlanılan ətdən baş verib. (APA)
