Ermənistan parlamentinin deputatı və “Azad Demokratlar” partiyasının sədri Xaçatur Kokobelyan ölkə parlamentinə “Ermənistanın Avrasiya İqtisadi Birliyinin üzvlüyündən çıxması ilə bağlı prosedurun başlanması” adlı qanun layihəsini təqdim edib.
Modern.az Ermənistan KİV-nə istinadən xəbər verir ki, layihə yaxın günlərdə parlamentdə müzakirə olunacaq. Kokobelyan qanun layihəsində Ermənistanla Rusiya arasında iqtisadi münasibətlərin inkişaf etmədiyini bildirib.
Onun sözlərinə görə, 2015-ci ildə Rusiyadan idxal 4,7%, Rusiyaya ixrac isə 28,7% azalıb.
Onun fikrincə, iqtisadi göstəricilər pisləşməklə yanaşı, Ermənistana xarici investisiyaların miqdarı kəskin düşüb və ölkənin regional təcridi ağırlaşıb.
Kokobelyan Qarabağdakı insidentlər zamanı Moskvanın mövqeyinin də tənqidə layiq olduğunu deyib .
