«AZADLIQ»IN RƏSƏDXANASI
QOÇ
Bu gün ciddi yeniliklər olmayacaq. Yaxın insanlara yardım edin. Həmkarlarınızı narahat edən məsələləri müzakirə edin. Ailədə səmimi olmağa çalışın.
BUĞA
Eyni vaxtda bir neçə işlə məşğul olaraq diqqətinizi dağıtmayın. Sabahın planını indidən qurun. Işdə fəallıq göstərin. Sizə yaxın olan insanların dərdi ilə maraqlanın.
ƏKİZLƏR
Bu gün inadkarlıq nümayiş etdirməyin, xüsusilə də söhbət əmin olmadığınız məsələlərdən gedirsə. Nigaranlıq, narahatlıq özünü büruzə verəcək. Yaxınlarınızın sizə qarşı işlətdiyi ifadələrdən inciyəcəksiniz. Günün hadisələrindən asılı olaraq əhvalınız da dəyişkən olacaq.
XƏRÇƏNG
Sadəlövh olmayın. Qərar qəbul edəndə dərindən fikirləşin. Xəyallar aləmindən ayrılmaq zamanıdır. Yardımınıza ehtiyacı olanlar var. Onların maraqlarını nəzərə alın.
ŞİR
Böyük riskə getməyin, tələskənliyə yol verməyin. Qarşınızda açılan imkanları dəyərləndirin. Tələsik qərarlara imza atmayın. Əks təqdirdə artıq problemlər yaranacaq. Maliyyə məsələlərinə xüsusi fikir verin.
QIZ
Diqqətinizi bir məqsədə yönəldin, çünki bu gün möhtəşəm planların reallaşdırılması zamanı deyil. Ətrafdakılarla bu gün yaxşı anlaşmasanız da bəzi problemləriniz sizin iştirakınız olmadan həllini tapacaq.
TƏRƏZİ
Vacib saydığınız işlərin hamısının öhdəsindən gəlmək mümkün olmayacaq. Işdə xırda detalları belə incələyin. Perspektivlər, karyera mövzusunda sizi nigarançılıq hissləri bürüyəcək. Ulduzlar bunun əsassız olduğunu bildirir.
ƏQRƏB
Məqsədinizə çatmağa çalışdığınız gündə bəzi niyyətləriniz reallaşmaya bilər. Sizin üçün maraq kəsb etməyən işlə məşğul olmaq məcburiyyətində qalacaqsınız. Mühüm saydığınız işlərdən birini təxirə salacaqsınız.
OXATAN
Bu gün çətinliklər qaçılmazdır. Gərginlik, narahatçılıq sizi üzəcək. Həyatınızda inqilabi dəyişikliklər etmək niyyətinin zamanı deyil. Yaxşı olar ki, mühüm əhəmiyyət kəsb edən əlaqələri möhkəmlədəsiniz.
OĞLAQ
Ehtiyatlı olun, yalanların aciz qurbanı olmaq ehtimalı var. Kimsənin sizi idarə etməsinə imkan verməyin. Yaxınlarınızla münasibətləri möhkəmlədin. Ailə üzvlərinin və qohumların dəstəyinə hər zaman ehtiyacınız ola bilər.
DOLÇA
Qarşınıza konkret məqsəd qoyaraq ona çatmağa səy göstərin. Maliyyə məsələlərinə diqqət yetirin. Başqalarının hərəkətlərinə cavab reaksiyası verməyə tələsməyin. Özünüzə yeni məşğuliyyət seçə bilərsiniz.
BALIQLAR
Qətiyyətli olun, xəyallardan ayılın. Reallıqla barışmaq mütləqdir. Problemlərə qarşı müqavimət göstərərkən məntiqli davranın. Əsassız fikirlər söyləməyin faydası yoxdur.
