Böyük pay verilən şübhəli şirkət kimindir?
Səhiyyə Nazirliyi 2015-ci ildə müxtəlif dövlət proqramlarının həyata keçirilməsi üçün dərman, vaksin və preparatlar, diaqnostika, dezinfeksiya vasitələrinin alınmasına 88 milyon 142,7 min manat xərcləyib. Bu qədər vəsait isə beş şirkət arasında bölüşdürülüb.
Qaynar.info xəbər verir ki, həmin şirkətlərdən birinin hüquqi qeydiyyatı barədə hər hansı məlumat öyrənmək mümkün deyil. Söhbət “FRESENIUS GENERAL TRADING LLC”dən gedir. Bu şirkətin Azərbaycanda, yoxsa xarici ölkələrin birində və kim(lər) tərəfindən təsis edildiyi qaranlıq olaraq qalır.
Oqtay Şirəliyevin nazirliyi xroniki böyrək çatışmazlığı üzrə dərman və tibbi təyinatlı vasitələrin satın alınması üçün “FRESENIUS GENERAL TRADING LLC”yə 13 milyon 112 min manat vəsait ayırıb.
Bu qədər yüksək məbləğdə bir satınalmanın həvalə edildiyi şirkət barədə internet resurslarında hər hansı hüquqi bilgilərə rastlanmaması təəccüb və şübhələr doğurur.
Maraq üçün deyək ki, digər 4 payçı şirkət aşağıdakılardır: “AvroMed Company” – 32,6 milyon manat, “Pharmex Healthcare Products LTD” Britaniya şirkəti – 29,9 milyon manat və “Osteosintez-Bakı ETIB” – 3 milyon 570 min manat.