“Siyəzən” Açıq Səhmdar Cəmiyyətinin (ASC) ərazisisində yanğın hadisəsi baş verib.
Fövqəladə Hallar Nazirliyinin saytında verilən məlumata görə, hadisə Siyəzən rayonu, Beşdam kəndində (rayon mərkəzindən 12 km aralı) baş verib. Vətəndaşa məxsus “Siyəzən” ASC-nin ərazisində ümumi sahəsi 1068 kv.m olan broyler sexinin döşəməsi 278 kv.m sahədə yanıb. Sexin qalan hissəsi yanğından mühafizə olunub.
Yanğın saat 00:29-da yanğınsöndürənlər tərəfindən söndürülüb.
Qeyd edək ki, dünən Abşeron rayonunda “Səba” quşçuluq fabrikinin ərazisində ümumi sahəsi 2900 kv.m olan sexin yanar konstruksiyaları 2100 kv.m sahədə yanmışdır. Sexin qalan hissəsi və yaxınlıqdakı tikililər yanğından mühafizə olunmuşdur. Yanğın saat 15:00-da yanğınsöndürənlər tərəfindən söndürülmüşdü.
