Niderland Təhlükəsizliq Şurası ötən ilin iyul ayında Donbasda Malayziyaya məxsus Boeing təyyarəsinin necə vurulduğu ilə bağlı hesabat açıqladı. Komissiyanın rəhbəri və Hollandiya Təhlükəsizlik Heyətinin sədri Tjibbe Joustra mətbuat konfransında bildirib ki, təyyarə BUK raketi vasitəsilə vurulub. Raket şərqi Ukraynadakı 320 kv km ərazidən atılıb və sol tərəfdən təyyarənin önünə dəyib.
Xatırladaq ki, Amsterdamdan Kuala Lumpura uçan təyyarə 2014-cü ilin 17 iyul tarixində üsyançıların nəzarət etdiyi şərqi Ukraynada rusiyapərəst separatçılarla hökumət qüvvələri arasında münaqişənin ən qızğın vaxtlarında qəzaya uğrayıb.
Qəza nəticəsində göyərtədəki 298 nəfər həlak olub, onlardan 196-ı Hollandiya vətəndaşı olub.
azadlıq.info
