Hüquq-mühafizə orqanlarından verilən məlumata görə, hadisə bu gün səhər saatlarında rayonun Qoxmuq kəndində qeydə alınıb.Bakı şəhəri, Səbail rayonunda Dənizkənarı Milli Park ərazisində (ən yaxınlıqdakı xilasetmə məntəqəsindən 800 metr sola nəzarətsiz ərazidə) 1 nəfər intihar etmək məqsədilə özünü dənizə atıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Dövlət Sularda Xilasetmə Xidmətinə daxil olmuş məlumat əsasında dərhal dalğıc-xilasedicilər hadisə yerinə cəlb edilib. Həmin şəxs dalğıc-xilasedicilər tərəfindən xilas olunub və aidiyyəti üzrə təhvil verilib. Əməliyyat saat 13:23-də başa çatıb.
Qeyd edək ki, bu gün səhər saat 10:10 radələrində Milli Park ərazisində daha 1 nəfər intihar etmək məqsədilə özünü dənizə atmışdı. Fövqəladə Hallar Nazirliyinin dalğıc-xilasediciləri hadisə yerinə cəlb olunaraq həmin şəxs xilas edilmişdi.
