Bakıda intihar hadisəsi baş verib. 21 yaşlı gənc özünü asıb.
Sabunçu rayon Prokurorluğundan sns press-ə verilən məlumata görə, rayonun Maştağa qəsəbə sakini, 1994-cü il təvəllüdlü Nadir Əlizaman oğlu Həsənov yaşadığı evdə özünü asıb.
21 yaşlı gəncin meyitini ailə üzvləri aşkarlayaraq hüquq-mühafizə orqanları əməkdaşlarına mürəciət ediblər. Dərhal əraziyə polis və prokurorluq əməkdaşları cəlb edilib.
Faktla bağlı Sabunçu rayon Prokurorluğunda cinayət məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb, araşdırma aparılır.
Bundan əvvəl də oxşar hadisə Suraxanı rayonu Hövsan qəsəbəsində baş vermişdi. Hövsan qəsəbə sakini 1977-ci il təvəllüdlü Zaur Hüseynağa oğlu Muradov özünü yaşadığı evin həyətindəki yarımtikilidən asmışdı.
Hadisəyə səbəb Zaur Muradovun psixi problemlərinin olması göstərilirdi.
İntihar edən şəxs iki azyaşlı uşaq atası idi.
