Keçmiş dəmiryolçular Mərkəzi Seçki Komissiyasının (MSK) sədri Məzahir Pənahova müraciət edib. 187 nəfərin imzaladığı müraciətin bir surəti də “Azadlıq”a daxil olub. Müraciətdə deyilir: “Hörmətli Məzahir müəllim yazıb sizə bildiririk ki, uzun illər çalışdığımız idarədə bizə qarşı haqsızlıqlar törədilib.
Bir qrup məmur, başda A.Suleymanov, E.Muradov və R.Abışov olmaqla bizə aid külli miqdarda pulu mənimsəyib. Dövlətin bütün qurumlarına müraciət etsək də, heç bir nəticəsi olmayıb. Azərbaycan qanunlarını yazan və təsdiq edən bizim seçdiyimiz deputatlar və Milli Məclisdir. Əgər bizim seçdiyimiz deputat bu gün bizi və ailəmizi müdafiə etmirsə bir vətəndaş olaraq noyabr ayında 187 nəfər və ailə üzvlərimiz seçkiləri boykot edəcəyik”.
