Odessada Mixail Saakaşvilinin köməkçiləri Ali Radanın deputatını döyüblər. ans press-in məlumatına görə, bu barədə hadisə yerində olan jurnalist Vera Zaporojye öz şəxsi səhifəsində xəbər verib. Onun bildirdiyi kimi, avqustun 27-də vilayət administrasiyasının binasında çoxlu miqdarda şahid yanında Ukraynanın xalq deputatı Aleksey Qonçarenko döyülüb.
Deyilənlərə əsasən, deputatın döyülməsinin əsas səbəbi, onun Pyotr Poroşenkonun siyahısında qadağa qoyulmuş yerlərdə ticarətlə məşğul olmaqda şübhəli bilinməsidir. Davadan sonra deputatı binadan çıxarıblar. Jurnalistin məsələ ilə bağlı sualına isə, Qonçarenko cavab verib ki, bu vəziyyəti şərh etmək istəmir.
