Bu gün Avropa Liqasının III təsnifat mərhələsinə yekun vurulub. Təmsilçilərimizdən “Qəbələ” və "İnter" “pley-off” üçün mübarizə aparıb. "Qəbələ" doğma meydanda Kiprin “Apollon” klubu ilə qarşılaşıb. Oyun "Qəbələ"nin 1-0 hesablı qələbəsi ilə başa çatıb. İlk oyunda rəqibi ilə 1:1 hesablı bərabərə qalan “qırmızı-qaralar” bu nəticə ilə tarixində ilk dəfə olaraq Avropa Liqasının pley-off mərhələsinə vəsiqə qazanıb.
İlk oyunda İspaniyada "Atletik Bilbao" komandasına 2-0 hesabı ilə məğlub olan "İnter" öz meydanında oyunu qolsuz bərabərliklə başa vurub və yarışda iştirakını dayandırıb.
