Rusiyanın keçmiş maliyyə naziri Aleksey Kudrin növbədənkənar prezident seçkilərinin keçirilməsini və yeni islahatlara başlamağı təklif edib. Onun sözlərinə görə, yeni dövlət başçısına islahatları keçirmək daha asan olar. Keçmiş nazir nümunə kimi Qazaxıstanı göstərib. Kudrin qeyd edib ki, hökumətin antiböhran proqramları 2018-ci ilə hesablanıb. Lakin heç bir ciddi problemi 3 il müddətinə həll etmək mümkün deyil.
Qeyd edək ki, Kudrindən bir qədər əvvəl iqtisadçı Yevgeni Qontmaxer də Putinə növbədənkənar prezident seçkilərini keçirməyi təklif edib.
