Palmira və Tedmur şəhərlərini də tutan İŞİD silahlıları Suriyanın yarıdan çoxuna nəzarəti ələ keçirmiş oldu. Bu barədə BBC-yə suriyalı müxaliflərin qurduğu, baş ofisi Londonda yerləşən Suriya İnsan Haqları Müşahidə Evi məlumat verib. Məlumatlara görə, mayın 20-də gecə saatlarında başlayan atışmada 100-dən artıq Suriya əsgəri ölüb. Palmira Suriyanın mədəni-tarixi abidələrlə zəngin olan şəhəridir. Hazırda suriyalılar şəhərdə qalan abidələrin İŞİD tərəfindən dağıdılacağından ehtiyat edirlər. Hələ şəhər ələ keçirilmədən bir çox əntiq heykəl Şama aparılmışdı. Qurumun məlumatına görə, İŞİD şəhərin yaxınlığındakı hava limanı, həbsxana və Milli Təhlükəsizlik Mərkəzini də ələ keçirib.
Gültəkin
