2014-cü ildə dövlət büdcəsinin icrası haqqında məlumatlar açıqlanıb. Maliyyə Nazirliyinin məlumatına görə, ötən il dövlət büdcəsi 308 mln 434,76 min manat kəsirlə icra edilib. Büdcə gəlirləri 18 mlrd 400 mln 565,23 min manat olub. Bunun 50,74%-i ARDNF-dən transfertlərdir – 9 mlrd 337 mln manat. Əlavə dəyər vergisi 3 mlrd 119 mln 578 min manat, hüquqi şəxslərin mənfəət vergisi 2 mlrd 302 mln 479,17 min manat, idxal ƏDV-i 1 mlrd 70 mln 960,58 min manat təşkil edib.
Xərclər 18 mlrd 708 mln 999,99 min manat olub. Dövlət infrastruktur layihələrinə 6 mlrd 256 mln 706,72 min manat xərclənib. Digər xərclər 2 mlrd 580 mln 776,15 min manat olub.
Maliyyə Nazirliyinin məlumatına görə, ötən il büdcə xəzinə hesabında qalıq 1 mlrd 728 mln 622,3 min manat olub. Onlar 2015-ci ilin büdcəsinə keçirilib.
