Fransa prezidenti Fransua Olland 1960-cı ildə ABŞ-ın Kubaya qarşı tətbiq etdiyi iqtisadi sanksiyaları aradan qaldırmağa çağırıb. O belə bir bəyanatla mayın 11-də Havanada çıxış edib. Olland bildirib ki, bu sanksiyalar Kubanın inkişafına böyük ziyan vurub və aradan qaldırılmalıdır. Fransua Olland 100 il ərzində Kubaya səfər edən ilk Fransa lideridir. ABŞ-la Kuba ötən ilin sonunda münasibətləri normallaşdırmaq qərarına gəliblər.
Olland Kubaya səfəri zamanı prezident Raul Kastro və onun böyük qardaşı, keçmiş prezident Fidel Kastro ilə ilə görüşüb. Bundan başqa onun yerli universitetdə çıxışı olub.
O həmçinin səfər zamanı siyasi məhbusların azad edilməsində böyük rolu olan Havana kardinalı Ortega y Alamino ilə görüşüb, onu Fransanın Fəxri Leqion ordeni ilə təltif edib ("Azadlıq" radiosu).
