Kürdəxanı Təcridxanasında saxlanılan məhbusların bir qismi başqa təcridxanalara köçürülür. Bu barədə redaksiyamıza daxil olan məlumatda iddia olunur ki, səbəb Avropadan gələcək nümayəndə heyətinin Kürdəxanı Təcridxanasında monitorinq aparması ilə bağlıdır. “Yaxın vaxtlarda Avropadan gələn nümayəndə heyəti Kürdəxanı Təcridxanasında monitorinq aparacaq. Məhbusların saxlanma şəraiti, standartlar yoxlanılacaq. Kürdəxanıda məhbusların sayı çox olduğundan kameralara yerləşdirilmə məsələsində standartlar pozulur. Yəni, kameralara tutumundan artıq məhbus yerləşdirilir. Monitorinq zamanı bu faktı gizlətmək üçün məhbusların bir qismi ayrı-ayrı təcridxanalara göndərilir”,- deyə mənbə iddia edib.
