Yəmən hökuməti İranın ölkədəki böhranın nizamlanması ilə bağlı təkliflərini rədd edib. APA-nın xəbərinə görə, bu barədə “Röyters” məlumat yayıb. “Biz İranın təşəbbüsünü rədd edirik. Bu planın məqsədi yalnız siyasi manevrdir”, deyə hökumət nümayəndəsi Qətərdə agentliyə bildirib.
Qeyd edək İran aprelin 15-də Yəməndəki münaqişənin sülh yolu ilə nizamlanması üzrə plan təqdim edib.
İran XİN rəhbəri Məhəmməd Cavad Zərif qeyd olunan planı səfərdə olduğu İspaniyada təqdim edib.
Plan 4 bənddən ibarətdir: atəşkəsin tətbiq olunması, ehtiyacı olanlar üçün humanitar yardımların göndərilməsi, Yəməndə daxili dialoqun başlanılması və ölkənin bütün siyasi hərəkatlarının iştirakı ilə milli həmrəylik hökumətinin yaradılması.
