“Synergy Group” ASC-yə daxil olan iki şirkətin ləğvi barədə qərar qəbul edilib. Contact.az-ın məlumatına görə, holdinqin ofisində bu qərarın səbəblərini şərh etməyiblər. Ləğv edilən şirkətlərdən biri “Netsolutions” MMC 2011-ci il aprelin 1-də təsis edilib. Iki təsisçisindən biri “Synergy Group” ASC-nin törəmə şirkəti olan “Sybernet” MMC-dir.
Ikincisi, “Exclusive Dining” MMC 2012-ci ilin iyununda təsis edilib.
Qeyd edək ki, “Synergy Group” ASC 2010-cu ildən fəaliyyət göstərir və səhmlərin 99 faizinin sahibi Kamil Əşrəfovdur. Qrupa 30-a yaxın şirkət daxildir. 2013-cü ildə şirkətin gəliri 15,5 mln. manat, maliyyə zərəri 20 mln. manat olub.
“Synergy Group”un vergilər naziri Fazil Məmmədova məxsus olduğu barədə iddialar var.
“Sybernet” MMC 2004-cü ildə təsis edilib və ölkənin ən aprıcı IT şirkətlərindən biridir.
“Ataholding” ASC-nin 2011-ci il üçün hesabatında deyilir ki, həmin il bu şirkət (“Sybernet” MMC) nominal dəyəri ilə holdinqin başqa təsisçilərinə satılıb.
“Ataholding” ASC-yə prezident Ilham Əliyevin 19 yaşlı oğlu Heydər Əliyev nəzarət edir.
