Sabirabadın Kürkəndi kənd sakini Balamirzə Fətiyev redaksiyamıza növbəti müraciətini yollayıb. Bundan əvvəlki müraciətində o, Tuqay meşələrinin qırılmasından, Sabirabad Meşə Mühafizəsi və Bərpası müəssisəsinin rəhbəri Alxan Əsgərovun qanunsuz əməllərindən yazmışdı. Onun sözlərinə görə, A.Əsgərov meşədəki ağacları ayrı-ayrı adamlara satmaqla bərabər, bu torpaqları icarəyə də verir. Dövlət qurumlarına ünvanlanan həmin mürəciətlə bağlı heç bir tədbir görülmədiyindən şikayətlənən kənd sakini çıxış yolu kimi aclıq aksiyasına başlayacağını deyir. Ümid edir ki, bəlkə bu yolla dövlət qurumları soyqırıma məruz qalan Tuqay meşələrinin harayına gəldi, meşələri yox etməsinin səbəbini Alxan Əsgərovdan soruşdu.
Sosial şöbə
