2014-cü ildə Azərbaycandan Rusiyaya turizm məqsədi ilə 818 min nəfər səfər edib. APA xəbər verir ki, bu barədə Rusiya Dövlət Statistika Federal Xidmətinin (Rosstat) yaydığı məlumatda deyilir. Məlumatda qeyd olunur ki, 2014-cü ildə Rusiyaya 25,4 milyondan çox turist səfər edib. Ötən il turizm məqsədi ilə Rusiyaya gedən əcnəbilərin sayına görə ilk yeri Ukrayna (8,4 milyon nəfər) tutur. İkinci yerdə Qazaxıstan (3,7 milyon), üçüncü yerdə isə Polşa (1,8 milyon nəfər) qərarlaşıb.
Siyahıda növbəti yerləri Finlandiya (1,4 milyon), Özbəkistan (874 min), Çin (874 min), Azərbaycan (818 min), Moldova (618 min), Ermənistan (601 min) və Almaniya (548 min) bölüşüblər.
