Qurumun rəhbəri deputat Muxtar Babayev 2 min nəfəri işdən çıxarmaq istəyir
Azərbaycan Dövlət Neft Şirkətinin (ARDNŞ) tərkibində olan “Azərkimya” Istehsalat Birliyində kütləvi ixtisarlar başlayıb. Bu barədə redaksiyamıza daxil olan məlumatda deyilir ki, təxminən bir həftə əvvəl “Azərkimya”nın rəhbəri, deputat Muxtar Babayev işçiləri yığaraq ixtisarların olacağını bildirib.
Muxtar Babayev ixtisarları “Azərkimya”nın özəlləşdiriləcəyi ilə izah edib. “Bildirdi ki, guya ”Azərikimya" özəlləşdiriləcək və xeyli idarə ləğv olunacaq. Ona görə də ixtisar aparmaq qərarına gəlinib",- deyə “Azərkimya”dakı mənbə bildirib. Lakin işçilər ixtisarların böhranla əlaqədar olduğunu deyir. Məlumata görə, artıq 2000-ə yaxın işçiyə bildiriş verilib. “Azərkimya”nın əvvəllər 6 minə yaxın işçisı olub. Ixtisar edə-edə işçilərin sayını 3 minə salmışdılar. Indi də 2 min nəfəri işdən çıxarmaq istəyirlər", – deyə xəbərdə bildirilir.
Qeyd edək ki, “Azərkimya” Dövlət Şirkəti 2010-cu ildə ARDNŞ-in tərkibinə keçib və onun bazasında “Azərkimya” Istehsalat Birliyi yaradılıb. “Azərkimya” Sumqayıtda ən iri müəssisələrdən biridir.
