Sənəddə qeyd olunub ki, ağır texnika döyüş bölgəsindən geri çəkilməlidir. Bu bənddə bütün silah növləri, o cümlədən «Tornado-S» reaktiv yaylım atəşi sistemi qeyd olunub. Bu silah növü isə yalnız Rusiyada var. Əgər münaşiqədə «Tornado-S» istiadə olunursa, o ancaq Rusiyadan gedə bilər. 2012-ci ildən silahlı qüvvələrin istifadəsinə verilən bu qurğu xaricə satılmayıb.
İnstitutun əməkdaşları hesab edir ki, bu silahın adı razılaşma sənədinə təsadüfən düşüb. Ancaq Rusiya və separatçılar onu imzalayıb.
Bu arada ABŞ-ın Ukraynadakı səfiri Cefferi Payett tvitter səhifəsində hazırda döyüşlərin getdiyi Donetsk vilayətinin Debaltsovo şəhərində Rusiya ordusunun döyüşdüyünü yazıb.
Eyni zamanda ABŞ Dövlət Departamentindən Cen Psaki və NATO-nun baş katibi Yens Stoltenberq də oxşar bəyanatla çıxış ediblər.
azadlıq.info
