Qubad İbadoğlundan Müsavat rəhbərliyinə ağır ittihamlar

Müsavat Partiyasının qurultayından 4 aydan artıq müddət keçsə də, tərəflər arasında gərginlik hər ötən gün daha da artır.  Seçkinin nəticələrinə fərqli  münasibət fonunda yaranan bu gərginlik, partiyanın ikiyə bölünməsinə, xeyli müsavatçının partiyadan istefasına səbəb olub. Hətta yeni rəhbərliyin bir neçə tanınımış müsavatçını partiya nizamnaməsini  pozmaqda ittiham edərək partiyadan uzaqlaşdırması faktları da mövcuddur. Əvvəllər yeni başqan Arif Hacılı və başqanılğa keçmiş namizəd Qubad İbadoğlu təmkinli görünür, tərəfdarlarını da təmkinli olmağa səsləyirdisə, artıq son zamanlar hər iki şəxs açıq şəkildə bir birini ağır formada ittiham etməyə başlayıb. Belə ki, bir neçə gün öncə başqan Arif Hacılı Qubad İbadoğlunu Müsavat Partiyasına zərbə vurmaqda, xəyanətdə ittiham etmişdisə, bu dəfə Qubad İbadoğlu əks tərəfi sərt ifadələrlə tənqid edib. Qubad İbadoğlu şəxsi "facebook" səhfəsində tərəfdarlarına etdiyi çağırışda qarşı tərəfi kişi kimi mübarizə aparmağa səsləyib, özünə və tərəfdarlarına qarşı yönələn təhqirlərin bir başa partiya rəhbərliyi tərəfindən təşkil olunduğunu bildirib. Ağır ittihamlarla dolu həmin müraciəti təqdim ediirik:

"Bilirsiniz ki, mən partiya Divanının 2 fevral tarixli iclasına dəvət almışam. Həmin iclasda mənim davranışlarımın partiya nizanaməsinə uyğunluğu müzakirə olunacaq.

Bu dəvəti qəbul etsəm də Bakıda olmadığıma görə iclasa qatıla bilməyəcəm. Bakıda olduğum günlərin birində Divanın növbəti toplantılarından birinə qatılıb, Divan müzakirələrində iştirak etmək niyyətindəyəm. Bununla bağlı narahatılığım yoxdur. Mən həmişə müzakirələrə açıq olmuşam. Məni narahat edən başqa mədamdır. Bur dəvətdən sonra artıq bir neçə gündür ki, Müsavatın hazırkı rəhbərliyinin xüsusi təşəbbüsü və birbaşa göştərişi ilə açıq və saxta profillərlə sosial şəbəkələrdə, özlərinə yaxın saytlarda və partiya daxilində mənə qarşı çirkin kampaniyaya start verilib. Artıq bütün cəbhə boyu hücuma keçən partiya rəhbərliyi və rəhbərliyə yaxınlığı ilə seçilən kiçik bir qrup vahid mərkəzdən idarə olunan statuslar və şərhlər yazır, qurşaqdan aşağı zərbə vurmaqla məni nüfuzdan salmağa çalışırlar. “Çamur at, izi qalsın” prinsipi ilə hərəkət edən bu kiçik qrup güman edir ki, təhqir, şər və böhran yolu ilə Qubad İbadoğlunu hörmətdən salıb, özləri sayğı qazanacaqlar. Fəqət, bu anlayışsızlıqları ilə çox böyük səhv etdiklərinin fərqində deyillər. Mən yaxşı bilirəm ki, Müsavat Partiyası onlar güman etdikləri qədər tükənməyib, aşınmayıb. Bu partiya həmişə Sizin kimi fədakar və haqqı nahaqqdan ayıra bilən sıravi müsavatçıların sayəsində ayaqda qalıb, ən çətin zamanlarda belə şərin, nifrətin, böhtanın öhdəsindən gəlməyi, şər ocaqlarını susdurmağı bacarıb.Fədakar müsavatçı bacı və qardaşlarım!Öncə, etdiyiniz zənğlərə, sağlam mövqeyinizi statuslarla, rəylərlə bildirdiyinizə, qısası, müxtəlif vasitələrlə verdiyiniz dəstəyə görə Sizə təşəkkür edirəm. Mənim sözüm Sizədir. Bu statusla məhz Sizə müraciət edirəm! Siz kimin həqiqətlə, halalıqla, kimin yalanla, haramla, oğurluqla mövqe qazandığını yaxşı bilirsiniz. Mən Sizin sağlam məntiqinizə, böyük ədalətinizə və Müsavat ideyasına olan sarsılmaz inamınıza, sədaqətinizə güvənirəm. Bilirəm ki, sosial şəbəkələrdəki bu iyrənc kampaniyanın əsl məqsədini yaxşı anlayır, suyu bulandıranların kimlər olduğunu gözəl dərk edirsiniz. Sosial şəbəkələrdə bu qeyri-insani kampaniyaya fətva verənlərin həmin iyrənc şərhlərə yazılan əks mövqeli rəyləri anındaca sildiklərini, məhdud tərəfdarlarını bu işlərə cəlb etmək üçün ilan kimi qabıqdan çıxdıqlarını Sizə anlatmağa da lüzum görmürəm. Siz yaxşı bilirsiniz ki, həyatını bu kimi cılız kampaniyalara sərf edənlər böyük ideya və amal sahibləri ola bilməzlər. Şərəfli müsavatçı adının daşıyıcıları isə heç bir zaman ola bilməzlər!