Boris Nemtsov ölkəsini gözləyən təhlükələrdən yazdı
Rusiyanın müxalifət liderlərindən biri Boris Nemtsov Putinin taleyinin iki ölkədən – ABŞ və Səudiyyə Ərəbistanından asılı olduğunu deyir. O, bu bərədə öz Facebook səhifəsində yazıb.
“Onlar müttəfiqdirlər, lakin neft istehsalında rəqibdirlər. Amerikalıların şist neftinin çıxarılmasını öyrənməsi və onları bazardan uzaqlaşdırması Səudiyyə Ərəbistanının ürəyincə deyil. Ona görə də neftin qiymətini aşağı saldı ki, şist neftinin hasilatı rentabelli olmasın. Həm də Əsədi dəstəklədiyinə görə İranla Putini də cəzalandırsın. Əgər neftin bir bareli 70 dollara düşsə, dollar 50 rubl olacaq. 60 dollar olacağı təqdirdə, dollar 60 rubla çatacaq. Bu halda Rusiya bir sıra mənfi hallarla üzləşəcək:
1. İnsanların real gəlirləri aşağı düşəcək;
2. İdxal mallarının qiyməti 50% yüksələcək;
3. Kredit şərtləri ağırlaşacaq;
4. Kapital axını davam edəcək, rubla inam kəskin aşağı düşəcək;
5. Həyat səviyyəsi enəcək aşağı düşəcək, insanlar Toyota əvəzinə Lada Kalina sürəcək, Türkiyə əvəzinə Krımda dincələcəklər”.
