Albaniya milli komandasının “Avro-2016″nın seçmə mərhələsində Serbiya yığması ilə səfər matçı yarımçıq qalıb. Görüş 41-ci dəqiqədə dayandırılıb.
Buna Belqraddakı stadionuna helikopterlə Albaniya bayrağının endirilməsi səbəb olub. Bu hadisə serbiyalı futbolçuları özündən çıxarıb. Daha sonra rəqib futbolçular arasında münaqişə yaranıb. Meydana kənar əşyalar atılıb. Buna görə də matçın baş hakimi Martin Atkinson oyunu dayandırıb. Görüş qeyri-müəyyən vaxtadək təxirə salınıb.
