Enerji təhlükəsizliyi istənilən ölkənin müstəqilliyini təmin edən mühüm amildir və Avropa İttifaqı Ukraynanı Rusiyanın enerji hökmranlığından müdafiə etmək üçün mümkün olan hər şeyi etməlidir. Bu barədə Aİ-nin Avropa Qonşuluq Siyasəti üzrə komissarı Ştefan Füle Bakıda “Şərq Tərəfdaşlığı” ölkələri XİN rəhbərlərinin qeyri-rəsmi görüşündə bildirib.
Füle qeyd edib ki, “Şərq Tərəfdaşlığı”nın 6 ölkəsi Aİ üçün əhəmiyyət kəsb edir və Aİ onların ərazi bütövlüyünü dəstəkləyir. O həmçinin Ukrayna hadisələri fonunda Bakı görüşünün önəmini vurğulayıb.
Bakı görüşündə Azərbaycan, Belarus, Gürcüstan, Moldova və Ukraynanın XİN rəhbərləri iştrak edirlər. Ermənistan görüşdə iştirakdan imtina edib.
