NATO-nun baş katibi Anders Rasmussen avqustun 7-də Kiyevə səfər edir. Bunu Ukraynanın xarici işlər nazirliyi bildirir. Səfər zamanı Ukrayna prezidenti Poroshenko və Rasmussen NATO-Ukrayna əməkdaşlığını müzakirə edəcək.
Avqustun 6-da Rasmussen deyib ki, Ukrayna sərhəddinə Rusiya 20 minədək qoşun yığıb. NATO hesab edir ki, humanitar yardım və ya sülhü mühafizə bəhanəsi ilə Rusiya Ukraynaya qoşun yeridə bilər.
Avqustun 6-da Polşanın baş naziri Tusk da deyib ki, onda olan məlumata görə, Rusiyanın Ukraynaya hərbi müdaxiləsi ehtimalı son günlərdə artıb.
