2016-cı ildə Fransada təşkil olunacaq futbol üzrə Avropa çempionatının seçmə mərhələsinin püşkü atılıb. Püşkatmada iştirak edən 53 komanda UEFA-nın reytinq siyahısına uyğun olaraq 6 səbətə bölünüb. Azərbaycan milli komandası 5-ci səbətdə yer alıb. Komandalar hərəsində 6 yığma olmaqla 8 qrupa bölünüb. 9-cu qrupda 5 komanda final mərhələsinə vəsiqə qazanmaq uğrunda yarışacaq.
H qrupunda mübarizə aparacaq yığmamızın da rəqibləri İtaliya, Malta, Bolqarıstan, Norveç və Xorvatiya yığmalarıdır. Avropa çempionatları tarixində ilk dəfə olaraq “Avro-2016″nın final mərhələsində 16 deyil, 24 komanda iştirak edəcək. Bu isə o deməkdir ki, seçmə mərhələni ilk iki pillədə başa vuracaq yığmalar birbaşa final mərhələsinə vəsiqə qazanacaqlar. Seçmə mərhələni üçüncü bitirəcək milli komandalar isə pley-off oyunlarından sonra bu hüquqa yiyələnə biləcəklər.
Püşkatmanın nəticələri belədir:
A qrupu: Hollandiya, Qazaxıstan, İslandiya, Latviya, Türkiyə, Çexiya
B qrupu: Bosniya və Hersoqovina, Andorra, Kipr, Uels, İsrail, Belçika
C qrupu: İspaniya, Lüksemburq, Makedoniya, Belarus, Slovakiya, Ukrayna
D qrupu: Almaniya, Qibraltar, Gürcüstan, Şotlandiya, Polşa, İrlandiya
E qrupu: İngiltərə, San-Marino, Litva, Estoniya, Sloveniya, İsveçrə
F qrupu: Yunanıstan, Farer adaları, Şimali İrlandiya, Finlandiya, Rumıniya, Macarıstan
G qrupu: Rusiya, Lixtenşteyn, Moldova, Montoneqro, Avstriya, İsveç
H qrupu: İtaliya, Malta, Azərbaycan, Bolqarıstan, Norveç, Xorvatiya
I qrupu: Portuqaliya, Albaniya, Ermənistan, Serbiya, Danimarka
Azərbaycan yığmasının oyun cədvəli də açıqlanıb:
2014-cü il
9 sentyabr, saat 21:00
Azərbaycan – Bolqarıstan
10 oktyabr, saat 23:45
İtaliya – Azərbaycan
13 oktyabr, saat 23:45
Xorvatiya – Azərbaycan
16 noyabr, saat 21:00
Azərbaycan – Norveç
2015-ci il
28 mart, saat 21:00
Azərbaycan – Malta
12 iyun, saat 23:45
Norveç – Azərbaycan
3 sentyabr, saat 21:00
Azərbaycan – Xorvatiya
6 sentyabr, saat 21:00
Malta – Azərbaycan
10 oktyabr, saat 21:00
Azərbaycan – İtaliya
13 oktyabr, saat 23:45
Bolqarıstan – Azərbaycan
azadlıq.info
