Villanın divarına tualet kimi yanaşan Atılay Uslu 3 saat vaxtını və min avro pulunu “itirməli” oldu
Hollandiyanın Corendon hava yolları şirkətinin türk əsilli sahibi Atılay Uslu 22-ci Qış Olimpiadasının keçirildiyi Soçidə həbs edilib. Hollandiyada yayınlanan “Telegraaf” qəzeti yazıb ki, həbsin ilginc səbəbi var.
“Corendon” Hollandiya yığmasının sponsorudur. Şirkətin sahibi Uslu da bu səbəbdən yığma ilə birlikdə Soçiyə gəlib. Hollandiya atletlərinin medal qazanmaları münasibətilə bazar günü ziyafət təşkil olunub. Ziyafətə qatılan Uslu tualet ehtiyacını ödəmək üçün Olimpiya kəndinin yaxınlığındakı bir imarətin divarının dibinə üz tutub. Villa isə Rusiya prezidenti Vladimr Putinin imiş…
İş adamı zəruri ehtiyacını ödəyib geri dönmək istəyərkən, bir dəstə əsgər onu saxlayıb. Uslu yaşadıqlarını “Telegraaf” qəzetinə belə anladıb: “Ətrafımı birdən-birə ortaya çıxan beş və ya daha çox təhlükəsizlik əməkdaşı sardı. Məni tutub baraklarına apardılar. “Sibirə birtərəfli bilet qazandın” deyib məni təhdid etdilər. Sonra da “Villanın divarlarındakı kameraları görmədinmi?” deyə soruşdular. Villanın Putinin evi olduğunu anlatdılar”.
İş adamı deyib ki, onu təxminən 3 saat həbsdə saxlayıblar və dindirdikən sonra buraxıblar. Lakin, iş adamının sözlərinə görə, cibindəki pulların bir hissəsini götürüblər. “baraka gedərkən cibimdə üç min avro var idi. Çıxanda isə iki min avro qalmışdı”, – deyə Hollandiyanın türk əsilli şirkət rəhbəri bildirib.
azadliq.info
