Bugünlərdə Azərbaycan mediasında maraqlı bir xəbər yayıldı. Guya Ukrayna müxalifəti «Davay, dosvidaniya» meyxanasının müəllifi olan İntiqam və Ehtiram Rüstəmov qardaşlarını Maydana dəvət edib və onlara orada oxumaqlarının əvəzinə 20 min avro pul söz verib. Xəbərdə bu adamlar iddia edirdilər ki, guya bu qonorardan da, orada oxumaqdan da imtina ediblər. Təbii ki, bu xəbər sosial şəbəkələrdə də birmənalı qarşılanmadı. Buna görə də, məlumatı dəqiqləşdirmək üçün Kiyevlə əlaqə saxladıq.
Hazırda birləşmiş Ukrayna müxalifətinin ictimaiyyətlə əlaqələr üzrə fəaliyyət sahəsinə rəhbərlik edən millət vəkili Andrey Parubiy “azadlıq.info”ya bildirib ki, sözü gedən hitin müəllifləri ilə Ukrayna müxalifəti adından kimsə danışıq apara bilməzdi. «Belə bir məsələ yoxdur və ola da bilməz. Üstəlik, hər hansı bir mahnıya görə 20 min avro ödəmək! Bu, heç bir məntiqə sığmır. Mənə elə gəlir ki, bu müəlliflər elə Rusiyada Putin üçün oxusalar yaxşıdır, bizim onların hitinə ehtiyacımız yoxdur və olmayacaq. Bu cəfəngiyyatdır!».
azadliq.info
