Gəncə şəhərində qətl hadisəsi törədilib. Gəncə şəhər Baş Polis İdarəsindən lent.az-a verilən məlumata görə, fevralın 8-də saat 12:00 radələrində şəhərdəki çay evində 20 yaşlı Aytac Əziminin qardaşı tərəfindən bıçaqlanaraq qətlə yetirildiyi məlum olub.
Həmin gün kafeyə gələn ofisiant qızın kiçik qardaşı, 1996-cı il təvəllüdlü Qədimov Ülfət Mehman oğlu bacısına bıçaqla çoxsaylı zərbələr endirib. Xəstəxanaya aparılan A.Əziminin həyatını xilas etmək mümkün olmayıb.
Polis Ü.Qasımovu saxlayıb.
Məlum olub ki, qardaşı tərəfindən öldürülən 20 yaşlı Aytac Əzimi evli olub. Onun azyaşlı uşağı da olub. Qadının həyat yoldaşı həqiqi-hərbi xidmətə yola düşüb.
Bir müddət sonra kafedə ofisian işləyən Aytac Əzimi haqqında Ülfət Qədimova müəyyən xəbərlər çatdırılıb. Qardaş xəbərləri dəqiqləşdirmək üçün bacısı ilə görüşüb. Sonradan qısqanclıq səbəbindən yaranan mübahisə zamanı qardaş bacısını bıçaqlayıb.
Faktla bağlı cinayət işi başlanıb, araşdırma aparılır.
