Gürcüstanın eks-prezidenti Mixail Saakaşvili Maydan qələbəsinin Rusiya imperiyasının sonu olacağını bildirib. Bu sözləri Saakaşvili ABŞ-da Kiyev Patriarxı Filaretlə görüşü zamanı deyib.
“Nə vaxtsa dərsliklərdə oxuya biləcəksiniz ki, Rusiya imperiyası öz mövcudluğuna Maydanın qələbəsindən sonra son qoyub”.
“Bu doğrudan da həqiqətdir. Tarixçilər nə vaxtsa Rusiya imperiyasının süquta enəcəyi haqda yazacaqlar. Özü də imperiyanın bu “faciəli süqutunu” Maydanın qələbəsilə bağlayacaqlar. Xalqlar gələcəyə inanır və bilir ki, onların gələcəyi bütün xalqların birləşməyindədir”, – deyə Mixail Saakaşvili bildirib. Saakaşvili həmçinin Gürcüstanın da taleyinin Ukraynadan asılı olduğunu deyib.
