Fuad Ağayev: «Azərbaycanda məhkəmə-hüquq islahatları adlandırılan prosesin nəticələri birmənalı olaraq mənfidir»
Ali Məhkəmənin sədri Ramiz Rzayev ötən Insan Hüquqları üzrə Avropa Məhkəməsinə Azərbaycan dövlətinə qarşı cəmi 325 şikayətin daxil olduğunu və bu göstəricinin digər ölkələrlə müqayisədə xeyli aşağı olduğunu deyib. R.Rzayev buna səbəb kimi qərarların keyfiyyətinin yüksəlməsinə yönələn islahatları göstərir.
Onun sözlərinə görə, son illər ölkədə aparılan genişmiqyaslı islahatlar ədalət mühakiməsinin səmərəliliyinin artırılmasından, məhkəmə sisteminin daha da təkmilləşdirilməsindən, əhalinin məhkəmələrə müraciət imkanlarının asanlaşdırılmasından, hakimlərin sayının artırılmasından, yeni və şəffaf prosedurlarla hakimlərin seçilməsindən, respublikamızda müasir məhkəmə infrastrukturunun yaradılmasından ibarətdir.
Insan Hüquqları üzrə Avropa Məhkəməsinə Azərbaycandan şikayətlərin azalmasının səbəbini məhkəmə sistemində islahatlarla əsaslandırmaq nə dərəcədə doğrudur?
Hüquqşunas Fuad Ağayev Ali Məhkəmənin sədrinin əsaslandırmasının tamamilə yanlış olduğunu deyir.
F.Ağayevin sözlərinə görə, Insan Hüquqları üzrə Avropa Məhkəməsinə şikayətlərin az getməsinin səbəbi hüquqşunaslarımızın səviyyəsinin kafi olmamasıdır. Bu eyni zamanda vətənlaşların inamsızlığından irəli gəlir. Bəzi hallarda müəyyən şəxslərin “dövlətə qarşı şikayət vermək düzgün deyil” kimi yanlış yaşamasından da irəli gəlir. Məhkəmə-hüquq islahatından isə söhbət gedə bilməz: “Azərbaycanda məhkəmə-hüquq islahatları adlandırılan prosesin nəticələri birmənalı olaraq mənfidir. Ümumi qəbul edəndə hər hansı islahatdan danışmaq əbəsdir. Hətta sovet dövrü ilə müqayisə edəndə Azərbaycan məhkəmələrinin vəziyəti çox ağırdır. Ədalət mühakiməsindən danışmaq çətindir”.
Fizzə
