Demokratik Qüvvələrin Milli Şurasının Koordinasiya Şurası 5 fevral 2014-cü ildə növbəti yığıncağını keçirib. Ötən həftə ərzində həyata keçirilən işlərin icrası müzakirə edilib, eyni zamanda ölkədəki mövcud ictimai-siyasi vəziyyət dəyərləndirilib. Milli Şuranın əsasnaməsinin yeni layihəsi müzakirə edilib və işlənmək üçün hüquq komissiyasına təqdim edilib. Koordinasiya Şurası qərara alıb ki, haqlarının tapdalanması və çətin həyat əngəlləri üzündən Azərbaycanda artan intihar olayları ilə bağlı ictimai dinləmələr keçirsin. Bu tədbir fevralın 12-də keçiriləcək. Həmçinin Milli Şura avrointeqrasiya ilə bağlı geniş dinləmələr keçirmək üçün hazırlığını davam etdirir. Koordinasiya Şurası bir çox cari məsələləri də müzakirə edib, uyğun qərarlar qəbul edib.
Milli Şuranın Mətbuat Katibliyi
