Ukrayna prezidenti Viktor Yanukoviç bildirib ki, hakimiyyət ölkədəki siyasi böhranın həlli ilə bağlı bütün öhtəliklərinə əməl edəcək.
O eyni zamanda müxalifəti gərginliyi artırmaqda günahlandırıb. Yanukoviç həmçinin hakimiyyətin müxalifətlə qarşıdurmada səhvə yol verdiyini etiraf edib.O vətəndaşların tələbləri və ehtiyaclarına böyük anlaşma ilə yanaşılacağını vəd edib. Prezident belə bir bəyanatla müxalifət amnistiya haqqında qanunu rədd etdikdən sonra çıxış edib. Qanun layihəsinə görə amnistiya nümayişçilər zəbt etdikləri hökumət binalarını tərk etdikdən sonra qüvvəyə minir və bu ağır cinayət törədən şəxslərə aid deyil. Müxalifət liderlərindən biri Vitali Kliçko bəyan edib ki, bu cəmiyyətdə gərginliyi azaltmaq əvəzində , onu daha da artıracaq.
