İrfan Siddiq qəzetin problemlərinin tezliklə həllinə ümidvar olduğunu bildirdi
Böyük Britaniyanın Azərbaycandakı səfiri İrfan Siddiq yanvarın 28-də “Azadlıq” qəzetinin redaksiyasında oldu. Qəzetlə tanışlıq xarakteri daşıyan görüşdə səfir mətbuatla münasibətlərə xüsusi önəm verdiyini bildirdi. “Azadlıq” qəzetinin baş redaktounun birinci müavini Rahim Hacıyev səfirə qəzetin keçdiyi yol və Azərbaycan mətbuatında bugünki rolu ilə bağlı məlumat verdi. Baş redaktorun birinci müavini qəzetin son dövrlərdə üzləşdiyi çətinliklərlə bağlı da səfiri məlumatlandırdı.
Böyük Britaniyanın səfiri “Azadlıq”ın Azərbaycanın ictiami-siyasi həyatında ciddi əhəmiyyət daşıdığını qeyd etdi və qəzetin problemlərinin tezliklə həllinə ümidvar olduğunu bildirdi.
