Oğuzda dağda yıxılaraq ölən ovçunun bədənində güllə yaraları aşkarlanıb. Oğuz rayon Polis Şöbəsindən ANS PRESS-ə verilən məlumata görə, ötən gün Oğuz rayonu Xaçmaz kənd inzibati ərazisində dağda meşə masivində ov zamani yıxılaraq öldüyü ehtimal olunun, Oğuz rayonu Xaşmazqışlaq kənd sakini 33 yaşlı Məmmədbağır Seyidəliyevin meyitinin üzərində aparılan tibbi ekspertiza zamanı sağ qolunda iki və gözünün altında bir güllə (saçma, qırma ) yarası aşkar edilib.
Oğuz Rayon Polis Şöbəsindən verilən məlumata görə, Oğuz Rayon Polis Şöbəsi və rayon Prokurorluğunun əməkdaşlarının apardıqları araşdırmalar zamanı məlum olub ki, yanvar ayinin 26-sı səhər saatlarında mərhum Məmmədbağır Seyidəliyevlə birlikdə Oğuz şəhər sakini 50 yaşlı Xalis Həsrətov, Oğuz rayonu Xaçmaz kənd sakini 46 yaşlı Arif Salehov və rayonun Dəymədağlı kənd sakini 43 yaşlı Maarif Lətifov rayonun Xaçmaz kənd inzibati ərazisində dağda meşə massivinə ova gediblər.
Ov zamanı Xalis Həsrətov əlindəki 12 çaplı ov tüfəngindən cüyürə atəş açan zaman qırmalardan üçü Məmmədbağır Seyidəliyevə dəyib. Məmmədbağır Seyidəliyev aldığı güllə yarasından, qanaxma səbəbindən hadisə yerində ölüb. Məmmədbağır Seyidəliyevin meyiti Oğuz Rayon Polis Şöbəsinin əməkdaşlarının iştirakı ilə ərazidən götürülərək ilk oncə tibbi ekspertiziyaya, daha sonra ailəsinə təhvil verilib.
Fakla bağlı Oğuz rayon Prokurorluğunda cinayət işi başlayıb, araşdırmalar aparılır.
