Vətəndaş Həmrəyliyi Partiyası gənc fəal və blogger Ömər Məmmədovun həbsini pisləyən bəyanat verib. VHP bu həbsi gənclərə qarşı “əsassız təzyiqlərin tərkib hissəsi” sayır.
“Fəal içtimaiyyətçi, yüksək intelekt sahibi olan və heç siqaret belə çəkməyən Ömərin narkotik ittihamı ilə həbs olunması gülüncdür və təəssüf doğurur. Bu qanunsuz həbsi pisləyir, hüquq mühafizə orqanlarından bu məsələyə obyektiv mövqe nümayiş etdirmələrini gözləyirik.
Son günlər ölkədə gənclərə qarşı aparılan təzyiq-təqib kampaniyası və gənclərin sistematik həbsləri bizi ciddi narahat edir. Biz, hakimiyyətin müvafiq strukturlarını cəmiyyəti narahat edən və ölkədə süni qarşıdurma yaradan, vətəndaş həmrəyliyini pozan münasibəti tezliklə dəyişdirməyə, qanunsuz addımların qarşısını almağa çağırır və həbsdə olan gənclərin azadlığa buraxılmasını tələb edirik”, – deyə bəyanatda bildirilir.
Ö.Məmmədov VHP üzvüdür, “Axın” hərəkatının təsisçisidir. Şimali Kipr Türk Respublikasında yerləşən “Cyprus İnternational” universitetinin tələbəsidir.
Ömər Məmmədovun həbsinə VHP-dən etiraz
•
