Anne Brasseur Azərbaycanda siyasi məhbuslarla bağlı hesabat layihəsinə səs verənlərdən biridir
Avropa Şurası Parlament Assambleyasının (AŞPA) növbəti iki il üçün prezidenti Anne Brasseur seçilib. “BBC Azərbaycanca”nın məlumatına görə, Lüksemburq əsilli xanım Brasseur 165 səslə rəqibi Robert Valterə qalib gəlib. Valterin prezident olmaq üçün 40 səsi çatmayıb. Seçki qaydalarına görə, 159 səs toplayan şəxs avtomatik Parlament Assambleyasının prezidenti elan edilir.
Seçkidən əvvəl isə AŞ PA-nın artıq keçmiş olan prezidenti Jan-Kloud Miqnon son mətbuat konfransında jurnalistlərin suallarını cavablandırıb. O bildirib ki, son iki ildə bir sıra müsbət işlər görməyə imkanı olsa da, Strasburqa xarici ölkələrdən birbaşa uçuş xəttinin çoxaldılmasına müvəffəq ola bilməyib.ÿUkraynada baş verənlərə gəlincə, o, bu ölkədəki hadisələri vətəndaş müharibəsinə bənzədib.
“Eyni xalqın nümayəndələrinin bir-birinə qarşı olması çox pisdir. Ukraynaya yaxşı idarəçilik lazımdır. Ümid edirəm ki, Ukrayna hökuməti tezliklə hadisələrin qarşısını almaq üçün doğru addımlar atacaq”, – deyə Miqnon bildirib.
Qeyd edək ki, 64 yaşlı xanım Brasseur siyasi qruplar arasında Avropada Demokratlar və Liberallar Alyansının sədri vəzifəsində çalışırdı.ÿ2009-cu ildən AŞ PA-da Lüksemburq nümayəndə qrupunun tərkibindədir, Mədəniyyət, Elm, Təhsil və Media Komitəsinin tamhüquqlu üzvüdür.ÿOnun prezidentlik dövrü 2016-ci ilin əvvəlinə qədər davam edəcək.
Onu da əlavə edək ki, ötən ilin yanvarında AŞ PA-da almaniyalı deputat Kristof Ştrasser Azərbaycanda siyasi məhbuslarla bağlı hesabat layihəsini müzakirəyə çıxararkən xanım Brasseur onu müdafiə etmişdi.
