İstanbulun Esenyurt rayonunda MHP-nin seçki qərargahına silahlı basqın olub. Basqın nəticəsində bir nəgər həyatını itirib, beş nəfər yaralanıb.
Seçki qərargahının açılışı zamanı dəyənək, daş, bıçaq və odlu silahla silahlanmış bir dəstə adam MHP-cilərə hücum edib. Toqquşma zamanı odlu silahdan atəş açılıb. MHP-nin mətbuat müşaviri Cengiz Akyıldız aldığı güllə yarasından xəstəxanaya aparılarkən dünyasını dəyişib.
Daha bir nəfər güllə yarası alıb. Dörd nəfər isə bıçaq və daş zərbəsindən yaralanıb. Yaralılar xəstəxanaya çatdırılıb.
MHP-nin İstanbuldan olan deputatı Cəlal Aydın xəstəxana qarşısına toplaşan partiya yoldaşlarını təmkinli olmağa səsləyib. O, hökumətin bu hadisəni törədənləri tezliklə tapmalı olduğunu bildirib.
azadliq.info
