Sandro Rossel 40 milyon avro həcmində rüşvət almaqda təqsirləndirilir
“Barselona” klubunun prezidenti Sandro Rossel istefa verib. Klub bu barədə bu gün axşam saatlarında məlumat yayıb. İstefaya səbəb klubun braziliyalı ulduzu Neymarın transferi zamanı yol verilən maliyyə pozuntusunun üzə çıxmasıdır. Rossel 40 milyon avro məbləğin mənimsənilməsinə təqsirləndirilir. Belə ki, Neymarın transfer qiyməti bəyan edildiyindən daha çox olub. Kataloniya klubu Neymara görə 57,1 milyon avro deyil, təqribən 94,4 milyon avro ödəyib. 21 yaşlı ulduz futbolçu ötən il “Barselona” ilə beşillik müqavilə bağlayıb.
azadlıq.info
