Ukrayna Prezidenti Viktor Yanukoviç iki aydır davam edən kütləvi etiraz aksiyaları fonunda Ali Radanı buraxmalı və erkən seçkilər keçirməlidir. Trend-in Ukrayna mətbuatına istindən verdiyi məlumata görə, bunu Avropa Parlamentinin rəhbəri Martin Şults deyib. Onun sözlərinə görə, V.Yanukoviç parlament çoxluğunun və cəmiyyətin böyük əksəriyyətinin dəstəyini itirib: “Hər bir sağlam düşüncəli prezident bu şəraitdə parlamenti buraxar və yeni seçkilər elan edərdi”. M.Şults qeyd edib ki, dünən mövcud vəziyyəti Ukraynanın hakimiyyət və müxalifət nümayəndələri ilə müzakirə edib.
Avropa Parlamenti: Yanukoviç parlamenti buraxmalı və seçkilər keçirməlidir
•