Ukrayna prezidenti Viktor Yanukoviçlə müxalifət liderləri Vitali Kliçko, Arseniy Yatsenyuk və Oleq Tyaqnibok arasında keçirilən görüş başa çatıb. Müzakirələr 3 saatdan çox davam edib.
Müzakirənin nəticəsi barədə Prezident Administrasiyasından yayılan məlumatda deyilir ki, ölkə başçısı ilə müxalifət liderləri və siyasi böhranın həlli üzrə yaradılmış işçi qrup arasında danışıqların birinci mərhələsi başa çatıb. Başqa hər hansı təfərrüat açıqlanmır.
Görüş başa çatandan sonra Administrasiyanı tərk edən müxalifət liderləri də heç bir açıqlama verməyiblər.
Yanukoviçin müxalifət liderlərilə görüşü başa çatdı
•