Suriya ordusundan bir hərbi polis Əsədin işgəncə ilə öldürdüyü 11 min adamın fotoşəkilini çəkib. Qurbanların işgəncə və ac saxalanılaraq öldürüldüyü iddia olunub.
Suriyada Bəşər Əsəd rejimi tərəfindən işlənən döyüş cinayətləri sənədləşdirilərək hesabat formasında fotoşəkillərlə birlikdə Anadolu Agentliyi , İngilis Guardian və CNN Internationalda nəşr olundu. Suriya ordusunda 13 il hərbi polislik edən bir nəfər ölkədəki vətəndaş müharibəsində , rejimə bağlı hərbi xəstəxanalara ölü olaraq gətirilən şəxslərin fotoşəkillərini çəkmək üçün vəzifələndirilib. Və həmin şəxsin çəkdiyi şəkillər əsasında törədilən cinayətlər sübuta yetirilib.
Xəstəxanaya gətirilənlərin nəzarətdə işgəncə, boğma və ac buraxılaraq öldürüldüyü təsdiq edilib. Hərbi polis hər gün gətirilən cəsədlərin üz və bədən fotoşəkillərini çəkib və nömrələdikdən sonra təslim edirmiş. Cəsədlərin üz və bədənlərinə yazılan şifrəli qeydlərlə çəkilən fotoşəkillər Suriya ordusunda sistematik olaraq verilən öldürmə əmrlərinin yerinə yetirilməsinə dair sənəd olaraq qəbul edilib.
Iş yoldaşları ilə birlikdə iki ildə 55 min fotoşəkil çəkən hərbi polis , Əsədin sistematik işgəncəylə öldürmə siyasətinə dözə bilməyərək, suriyalı muxaliflərlə gizlicə əlaqə qurub. Hərbi polis iki il boyunca çəkilən fotoşəkilləri nizamlı olaraq bir yaddaşa kartına köçürərək gizlicə müxaliflərə ötürüb.
Müxaliflərin cəhdləri nəticəsində İngiltərədə döyüş cinayəti və insanlığa qarşı işlənən cinayətlər mövzusunda söz sahibi olan hüquqçular ilə məhkəmə tibb və məhkəmə fotoşəkil mütəxəssislərindən ibarət olan xüsusi komissiya yaradılıb.
İngiltərədə bir laboratoriyada fotoşəkillərin montaj olunmadığı isbat edilib. 55 min fotoşəkildən 26 minini araşdıran komissiya fotoşəkildəki adamların işgəncəyə məruz qaldıqlarını, məftil, ip və digər cisimlərlə boğulduqlarını təsdiq edib. Digər işgəncə növü isə insanların ac saxlanılması olub. Fotoşəkilləri çəkən polis Suriyadan qaçdıqdan sonra şahid olaraq komissiyaya tərəfindən dinlənildikdən sonra, dəlillərin “ insanlığa qarşı cinayət ” və ‘”döyüş cinayəti”’ olduğuna qərar verib.
Dünyanın ən əhəmiyyətli döyüş cinayəti hüquqçuları, təhlükəsizlik səbəbi ilə Suriyalı polisə “ Sezar”’ kod adını verib. Sezar komissiyaya şahid olduğu bütün cinayətlərin detalları izah edib. Yaradılan komissiyada İngiltərə Kraliçasının Müşaviri Sir Desmond də Silva (Sədr) , Professor Sir Geoffrey ( Slobodan Milosevicin duruşmasındaki Baş prokuror ) , Professor David M. Crane ( Sierra Leone üçün qurulan Xüsusi Məhkəmənin ilk Baş prokuroru ) , Dr. Stuart J. Hamilton ( Ədliyyə pataloq) , Prof. Susan Black ( anatomiya mütəxəssisi ) , Stephen Cole ( Ədliyyə mütəxəssisi ) iştirak edir.
Sistematik öldürmə necə edilir?
Hesabata görə, saxlanılan müxaliflər olduqları kəşfiyyat orqanlarında və ya hərbi binalarda müxtəlif işgəncə üsulları ilə öldürülmüş, sonra da bir hərbi xəstəxanaya göndərilir. ” Sezar ” yanında bir həkim və məhkəmə təmsilçisiylə xəstəxanaya gətirilən cəsədlərin dörd ya da beş kvadrat fotoşəkilini çəkirmiş.
Nəzarətdə öldürülən hər adama iki nömrə verilirmiş. İlk nömrə öldürüləcək adamın nəzarətə alınmasından öldürülməsinə qədərki hissənin əhatə edirmiş. Bu nömrəni əsasında adamın şəxsiyyətini yalnız kəşfiyyat işçiləri bilirmiş. Nömrələr bəzən əllə adamın bədəninə ya da alnına yazılırmış .
İkinci nömrə isə cəsədlərin xəstaxanaada öldüyünü saxtalaşdırmaq üçün nəzərdə turulub. Saxta sənəddə , adamın ” infarkt ” ya da ” ürək çatmazlığı ” səbəbiylə öldüyü bildirilir. Öldürülən şəxslərin ailələri maraqlandıqda onlara bu saxta sənədlər təqdim edilirmiş.
” Sezar ” və iş yoldaşları tərəfindən fotoşəkilləri çəkilən və lazımlı saxta sənədlər düzəldildikdən sonra cəsədlər naməlum bir səhrada dəfn edilirmiş..
Xüsusi İstintaq Komissiyası özünə çatdırılan fotoşəkilləri diqqətlə araşdırdı və öldürmə üsullarını təsbit edib. 55 min fotoşəkil təxminən 11 min nəfərə aiddir. Öldürülənlərin çoxunun 20 ilə 40 arası yaşlarda olan kişilər olduğu bildirilir. Onların hamısının polis tərəfindən nəzarətə götürüldükdən sonra öldürüldüyü sübuta yetirilib.
Cəsədlərin bir çoxunun üzərində işgəncə izlərinə rast gəlindi. Hansı ki, bu izlər dəmir çubuğa bənzər cisimlərin izidir. İşgəncə zamanı onların hamısının əllərinin bağlı olduğu aydın olub.
Cəsədlərdə aclıq və işgəncə səbəbindən rəng dəyişməsi , çürümə , toxumalarda pozuntular görünür. Cəsədlərin yarıdan çoxunun həddindən artıq dərəcədə zəif olduğu qeyd edilir. Bu aclığın bir işgəncə vasitəsi olaraq istifadə edilməsini dəlil olaraq aşkarlayır. Bəzi cəsədlərdə elektrik verilməsindən yaranan yaralar açıq şəkildə görsənir. Cəsədlərin çoxu çılpaq və ya minimum səviyyədə geyimli halda fotoşəkili çəkildi.
Xüsusi İstintaq Komissiyasının ətraflı hesabatının nəticə hissəsində bunlar qeyd edilir:
“İstintaq qrupu araşdırmış olduğu materiallar əsasında Suriya hökumətinin kəşfiyyat işçiləri tərəfindən gözaltındakıları sistematik olaraq bir işgəncəyə məruz qoyduğu və bu insanları öldürdüyünə dair bir hüquq məhkəməsi üçün əsaslı dəlillərin olduğu qənaətinə gəlmişdir.
Bu dəlillər , hal-hazırdakı Suriya rejiminə qarşı insanlığa qarşı cinayət törədildiyini sübut edəcək. Eyni zamanda hal-hazırdakı Suriya rejiminin hərbi cinayətlər işlətdiyini sübut edəcək (avropa.info).
