Yubileyə cəmi 10 gün qalsa da, heç bir iş görülməyib
Azərbaycan Cümhuriyyətinin banisi M.Ə.Rəsulzadənin yubileyinə sanılı günlər qalıb. On gün sonra Rəsulzadənin 130 illiyi olacaq. Bir müddət əvvəl dövlət başçısı da Rəsulzadənin yubileyilə bağlı sərəncam imzalamışdı. Lakin hələ də rəsmi səviyyədə gözəçarpan tədbirlər planı, Rəsulzadəyə abidə qoyulması, adının BDU-ya qaytarılması istiqamətində real bir iş görülmür.
Yazıçı-publisist Mehriban Vəzir yada salır ki, dövlət başçısı Rəsulzadənin yubileyilə bağlı bir neçə il əvvəl də bənzər sərəncamlar vermişdi, amma heç bir əməli nəticəsi olmadı: “Indi də ortada formal bir sərəncam var. Amma bu böyük şəxsiyyət, Azərbaycanın real qurucusunun yubileyilə bağlı heç bir addım atılmır, mühüm işlər görülmür. Bir ziyalı olaraq, Rəsulzadəyə qarşı belə münasibət məni qane etmir”.
Nigar
