“Hicaz Production” və Mədəniyyət və İncəsənət Universitetinin təşkilatçılığı ilə Mikayıl Müşfiq adına 18 nömrəli məktəbdə 20 Yanvar gününə həsr olunmuş “Mən azərbaycanlıyam” adlı üçüncü bədii qiraət müsabiqəsi keçirilib.
“Hicaz Production”un rəhbəri Ayaz Məmmədovun açılış nitqindən sonra dram və kino aktyorlarının iştirakı ilə “Qarabağ” tamaşası oynanılıb. Daha sonra müsabiqə başlayıb.
Müsabiqədə 20 şagird növbə ilə Vətənə, bayrağa aid şeirlər səsləndirib. Əməkdar artistlər Gülşad Baxşiyeva, Ağalar Bayramov, Mahirə Yaqubova, eləcə də Sahib Novruzov, Ərtoğrul Kamalov, Vüqar Əbdülov və Əbdül Məcidlidən ibarət münsiflər heyəti şagirdlərə 10 ballıq sistemlə səs verərək, ilk üçlüyü müəyyən ediblər. Qaliblər və onların ifa etdikləri şeirlər aşağıdakı kimidir:
I yer – Hüseynağa Aslanov, C.Novruzun “Sağlığında qiymət verin insanlara” şeiri
II yer – Tahirə Ağayeva, R.Qusarçaylının “Vətən” şeiri
III yer – Rəna Məmmədova, Xəlil Rza Ulutürkün “Vətən” şeiri.
Qaliblər fəxri fərmanlar və hədiyyələrlə mükafatlandırılıb.
Samir Aslan
