“Bundan sonrakı fəaliyyətimiz Yadigar bəyin ən qısa zamanda azadlığına nail olmaq yönündə olacaq”. Bu sözləri “Azadlıq”a hazırda həbsdə olan vicdan məhbusu, Müsavat başqanının müşaviri Yadigar Sadıqovun Hüquqlarının Müdafiə Komitəsinin sədri Elman Fəttah deyib.
“Ortada hökm var. Möcüzə baş verməsə Apelyasiya Məhkəməsi də qanunsuz hökmü qüvvədə saxlayacaq. Bundan sonrakı fəaliyyətimiz Yadigar bəyin ən qısa zamanda azadlığına nail olmaq yönündə olacaq. Vəkil hüquqi prosedurlar üzrə şikayəti Avropa Məhkəməsinə çıxaracaq. Komitə insan haqları təşkilatları, səfirliklər, beynəlxalq təşkilatlar və avropalı deputatlarla yazışmalar və görüşlər keçirəcək. Onlardan siyasi məhbus olan Yadigar bəyin azad edilməsi üçün rejimin qarşısında qəti tələblə çıxış etmələri məsələsini qaldıracağıq”,- deyə Elman Fəttah qeyd edib.
Ramin
