Türkiyəli millət vəkili və bələdiyyə başçısı kanatda qalıb. Türkiyə mətbuatında yayılan xəbərə görə, hadisə Artvin şəhərində Atabarı Kayak Mərkəzində kanatın açılış mərasimində baş verib. AKP-dən olan millət vəkili İsrafil Kış və bələdiyyə başkanı Emin Özgün xeyli sayda əhalinin toplaşdığı açılış mərasimində kanatda havadan asılı qalıblar.
Kanat çox yüklənmə səbəbindən yüksəklikdə ilişib. İki saata yaxın havada qalanlar iplər vasitəsilə bir təhər aşağı enə biliblər. Əraziyə xilasedicilər və təcili yardım cəlb olunub. Kanat boşaldıqdan sonra nasazlıq aradan qaldırılıb və yenidən işə salınıb.
