İsveçin Xarici İşlər naziri Karl Bildt bəyanatla çıxış edərək bildirib ki, ABŞ və Avropa Birliyi Ukrayna hakimiyyətinə qarşı sanksiyaların tətbiq edilməsi məsələsini müzkairə edir. O bildirib ki, biz amerikalılarla Ukrayna hakimiyyətinin dinc etirazçılara qarşı zorakılığının qarşısını alması üçün sanksiyalarının qoyulması müzakirəsini edirik.
Karl Bildt daha sonra qeyd edib ki, Ukrayna Parlamentinin yanvarın 16-da qəbul olunmuş antimitinq qanunu insan hüquq və azadlıqlarını kəskin şəkildə məhdudlaşdırılmasını təmin etmək üçündür.
“Biz Ukrayna hakimiyyətini dinc etirazların qarşısını almaq üçün atmaq istəıdiyi addımların reallaşdırılmamasını təmin etmək fikrindəyik. Ukrayna hakimiyyətinin bu qanunla bağlı mövqeyini dəyişməsi üçün zəruri olan addımları atacağıq. Ukraynada yaranmış və həyəcan doğuran vəziyyət həftənin birinci günü Brüsseldə Avropa Birliyi xarici İşlər nazirlərinin yığıncağında müzakirə edilməlidir. Biz rəsmi Kiyevə qarşı əvvəlkindən fərqli davranış sərgiləməliyik”, – deyə Bildt qeyd edib.
